BioCultura e Festa do Queixo de Arzúa: así foi a nosa fin de semana
A fin de semana pasada tiveron lugar dúas importantes feiras en Galicia: por unha banda, a Feira de BioCultura, que se celebrou en ExpoCoruña; e, doutra banda, a Festa do Queixo de Arzúa.
Casa Grande de Xanceda estivo presente en ambas as e, ademais, con actividades que non deixaron indiferente aos seus visitantes.
Máis de 2500 personas no stand de Xanceda en BioCultura
De venres a domingo pasaron pola nosa caseta máis de 2.500 persoas que, entre firmas, degustacións, fotos e moito máis, coñeceron un pouquiño máis de preto a esencia de Xanceda. “As degustacións voan!” contábanos unha das compañeiras que estaba na caseta durante a feira. Os xeados e as mostrar de yogures muUuuliciosos forros os grandes favoritos do noso stand.
No noso obxectivo de conseguir un Paso de Vaca permanente en Coruña realizamos, como xa vos comentamos con anterioridade, unha recollida de firmas e conseguimos máis de 800!
Agora aa pregunta é…cando poderemos, por fin, inaugurar o Paso de Vaca de Coruña?
Benedicta Sánchez inaugurou o Paso de Vaca de Arzúa
A inauguración do Paso de Vaca en Arzúa era un deses momentos que levabamos esperando bastante tempo con moitas ganas. Que Arzúa contase cun Paso de Vaca era algo que se facía xa moi necesario. Como comentamos no anterior artigo, son ao redor de 6 mil veciños e 20 mil vacas.
Contar con Benedicta Sánchez para esta inauguración deulle aínda máis relevancia á importancia do noso rural e a necesidade que sentimos todos de poñelo en valor. O rural galego move a miles de persoas e é deber noso defendelo.
Ademais, Arzúa acolle ano tras ano a feira do queixo máis importante de Galicia, a Festa do Queixo de Arzúa. No seu 45º aniversario non queriamos faltar e, non só iso, se non que tamén queriamos participar ao grande!
Desde Casa Grande de Xanceda levamos participando xa moitos anos nesta feira co noso Queixo do Peregrino, un rico queixo ecolóxico feito con leite das nosas vacas moOooi felices. Descobre aquí como se fai o noso rico queixo ecolóxico.
Os gañadores dos sorteos de Paso de Vaca
Con motivo destas dúas feiras levamos a cabo dous sorteos: un para os que participasen desde Coruña co hashtag #PasodeVacaCoruña e outro para os que participasen desde Arzúa con #PasodeVacaArzúa. Parabén aos gañadores! Podedes atopar aos gañadores de Coruña aquí e os gañadores de Arzúa aquí. Pronto vos chegará un lote GRATIS de produtos de Casa Grande de Xanceda.
Podes seguir as nosas aventuras tanto en Facebook como en Instagram…non paramos quietos!
