Gran inauguración do 5º Paso de Vaca permanente, en Arzúa!

• Onte inaugurouse o 5º Paso de Vaca de Galicia, o primeiro de Arzúa.
• Benedicta Sánchez animouse a sacarse unhas fotos connosco cruzando o Paso de Vaca, contámoscho todo!

Durante onte sábado 29 e hoxe domingo 1 de marzo o Recinto Feiral de Arzúa, máis coñecido como Terra do Queixo, acollerá queixos vindos de todas partes de Galicia.

A inauguración do Paso de Vaca de Arzúa

Para a inauguración quixemos contar coa presenza de tres persoas que defenden e apoian a causa:

• O alcalde de Arzúa, José Luis, a quen desde o principio encanto a iniciativa e quixo que Arzúa formase parte dos concellos que reivindican o rural desta forma tan nosa.
• A concelleira de Cultura, Educación e Participación veciñal, Aurora Varela, moi concienciada tamén co rural galego e a importancia de poñelo en valor.
• O presidente de CRDOP Arzúa-Ulloa, Xosé Luís Carrera, que apoia e defende, como non podería ser doutra maneira, o comercio local.
• O concelleiro de Medio Rural, José González, quen centra os seus esforzos en manter vivo noso rural galego.
• A gañadora do Goya a Actriz Revelación 2020, Benedicta Sánchez, unha muller que lle dá visibilidade ao rural e converteuse nunha icona galega que defende todos os nosos valores.
• A responsable de Marketing de Casa Grande de Xanceda, Jessica Rey, que se encarga de promulgar este argumentario en favor do rural galego e a súa posta en valor. Todos xuntos participaron nun acto inaugural onde se rendeu homenaxe ás vacas e a todas as familias que forman o rural galego. Defender o rural pasa por accións como esta, pero tamén por apostar pola educación e a formación, liña que se traballa desde DÁ O PASO.

Todos juntos han participado en un acto inaugural donde se ha rendido homenaje a las vacas y a todas las familias que forman el rural gallego. Defender el rural pasa por acciones como esta, pero también por apostar por la educación y la formación, línea que se trabaja desde DA O PASO.

Benedicta Sánchez, a gran protagonista

A gañadora do Goya a Actriz Revelación 2020 foi a protagonista indiscutible da xornada. A súa naturalidade e sinceridade son as claves de que esta muller estea no punto de mira de todo o mundo.

Non só inaugurou o Paso de Vaca de Arzúa, tamén foi a pregoeira e aproveitou para poñer o foco de atención no rural. En palabras de Benedicta: “Dóeme ver que o campo se vai quedando abandonado e baleiro”. Que isto non sexa así é traballo de todos e de todas, e só traballando, estudando, fomentado e apostando polo rural, conseguiremos manter o rural galego vivo.

Máis de tres vacas por veciño en Arzúa

A vaca é un símbolo galego indiscutible, pero hai certos concellos nos que este símbolo está representado con máis forza. En Arzúa hai aproximadamente uns 6 mil habitantes e un 20 mil vacas, o que fai unha media de algo máis de tres vacas por cada arzuán.

Ademais, a festa máis importante do queixo en Galicia ten lugar neste concello: Festa do Queixo de Arzúa, que celebra, este ano, o seu 45º aniversario. 45 anos celebrando unha festa cuxo produto central ten como materia prima o leite, como lle vai a faltar a Arzúa un Paso de Vaca? Agora, vacas arzuás, sector leiteiro e todas as persoas que viven e traballan no rural xa están representadas no Paso de Vaca de Arzúa.

E agora,  cal será o seguinte? Lembra que podes pedir o teu Paso de Vaca para o teu concello a través desta web. Vós pedídesnos os pasos e nós conseguímolos!