Manifestación de vacas no Día da Muller
Este ano acudir ás manifestacións con motivo do Día da Muller é máis difícil, pero iso non freou ás nosas vacas. Elas gozan da liberdade dos nosos prados para disfrutar do aire libre e de moita distancia entre vacas, polo que saíron a manifestarse por todas as mulleres.
Día da Muller ao estilo granxeiro
As nosas vacas téñeno claro, maniféstanse elas por todas as muUuuulleres!
As vacas de Casa Grande de Xanceda mostráronse sempre comprometidas coa muller e a defensa dos seus dereitos. Este ano non podía ser menos e, como saben que como consecuencia da Covid-19 este ano será moi complicado acudir ás manifestacións, organizaron elas a súa propia manifestación!
Gravámolas e mostramos todo neste vídeo.
Pero non só participaron organizando a súa propia manifestación polo Día da Muller, no 2018 tamén se vestiron co lazo rosa para recadar fondos para a investigación e prevención contra o cancro de mama.
Outra bonita aventura na que as nosas vacas non dubidaron en sumarse e participar.
Ademais, non só as vacas da nosa granxa, o equipo completo de Casa Grande de Xanceda defendemos e apoiamos o Día da Muller. O ano pasado segamos o símbolo da muller máis grande do mundo, porque aquí somos de facelo todo ao grande.
Comprometidas cos dereitos humanos e coa contorna local
Acabades de ver como as nosas vacas están profundamente comprometidas cos dereitos das persoas, coa investigación en mediciña tamén e, como moitos xa saberedes, coa contorna local.
Paso de Vaca é unha iniciativa que ten como obxectivo promover o rural galego, defendelo e darlle o valor que merece, e é outra das aventuras nas que están inmersas nosas vacas.
Feliz Día Internacional da MuUuuuuller!
