Paso de Vaca en Mazaricos: que ver e que facer?
Xa pasaron uns meses desde a inauguración dos primeiros Pasos de Vaca permanentes en Galicia, pero en Casa Grande de Xanceda aínda nos dura a alegría no corpo.
Fonte: Mazaricos.gal
Por que? Porque ver como hai tanta xente que comparte connosco a importancia e relevancia de poñer en valor a vaca como símbolo galego…é muuUuuy guay! Neste artigo contarémosche que che podes atopar en Mazaricos, onde está o Paso de Vaca para que poidas pasar a visitalo e moOooooito máis.
Recorda! Medidas de seguridade ante a Covid-19
Agora que estamos dentro da nova normalidade, a prevención é máis importante ca nunca. Así que:
- Usa máscara
- Garda as distancias sempre que poidas
- Evita os espazos reducidos e concurridos
- Se te protexes ti, protéxesnos a todos!
Que ver en Mazaricos?
A pregunta está complicada porque Mazaricos é un concello con moito que ver e moito que visitar. Desde o gabinete de comunicación do Concello compártennos este vídeo sobre o turismo en Mazaricos.
Mazaricos é un concello marcado por ruteiros ornitolóxicos, ideais para os amantes das aves, a natureza, a paisaxe galega… En especial, na web de Mazaricos atoparedes un ruteiro en maps con todos os puntos marcados para poder seguila facilmente. Ademais, tamén está subida unha Guía de Aves, ideal tanto para principiantes que se queren iniciar nesta actividade como para profesionais que queren coñecer cales son as aves típicas desta zona.
Fonte: Mazaricos.gal
Para os amantes do deporte hai tamén múltiples opcións: andainas, roteiros BTT, Roteiro dás Feiras Vellas… Un atractivo do concello que reúne unha gran cantidade de participantes na Picota, un percorrido duns 45 quilómetros que che convida a coñecer as mellores paisaxes de Mazaricos.
Fonte: Mazaricos.gal
Un paseo polos arredores do río Xallas é outro plan ideal para pasar a tarde e mesmo facer un picnic. Iso si, lembrade deixalo todo igual ou mellor de como o atopastes.
Onde está o Paso de Vaca de Mazaricos?
Tal e como nos conta a web do concello, Mazaricos é “un dos maiores produtos de leite de Galicia.” E, ademais, defenden os costumes, cultura e modo de vida galegos, polo que un Paso de Vaca neste concello era obrigatorio.
Fonte: Mazaricos.gal
A localización exacta do Paso de Vaca de Mazaricos pódela atopar aquí e, se te animas a vir, recomendámosche que che saques unha foto de recordo e súbala ás túas redes sociais para ter un moOoooi bonito recordo. Podes utilizar o hashtag #PasodeVaca e mencionar a @xanceda para que o podamos ver e compartir, encántanos ver como cruzades os Pasos de Vaca!
Nos próximos artigos recomendaremos actividades para facer e sitios para ver do resto de Pasos de Vaca permanentes que hai instalados, para que poidas visitar e gozar de todos.
Aínda non hai un Paso de Vaca no teu concello ou parroquia? Xusto píllasnos falando con alcaldes e concelleiros para conseguir que haxa un Paso de Vaca en cada rinconcito de Galicia. O rural merece ser posto en valor e, sobre todo, as persoas que traballan nel. Fai aquí a túa solicitude se ti tamén queres un Paso de Vaca na túa parroquia ou concello.
