Planeando un 2021 cheo de Pasos de Vaca
O 2020 púxonos as cousas complicadas para reivindicar o rural, pero iso non nos quitou as gañas, nin moito menos. No 2020 seguimos defendendo todos eses motivos que xa hai máis de dous anos trouxéronnos aquí.
Empezaremos o 2021 con moitas gañas e ilusión por poder inaugurar e estrear novos Pasos de Vaca que se unan á nosa reivindicación do rural galego. Queres que o teu concello únase a esta iniciativa? Mándanos unha mensaxe!
Este ano, máis que nunca, o rural galego demostrou o importante que é para Galicia e deunos aínda máis motivos para continuar defendéndoo e loitando por el. Durante o confinamento máis estrito que vivimos desde marzo a xuño, o rural galego non parou. Así o contabamos neste vídeo #SeguimosPorTi.
Paso de Vaca naceu como reivindicación do rural pero, sobre todo, de todas as persoas que traballan nel e danlle vida. #SeguimosPorTi foi un bonito agradecemento a todas esas persoas que seguiron por nós.
Con moitas gañas a polo 2021
Que se prepare o 2021 porque temos todo un plan trazado para conseguir moitos máis Pasos de Vaca.
No mes de marzo reunímonos na Coruña, durante a feira de BioCultura, para conseguir máis de 800 firmas para un Paso de Vaca permanente na Coruña. Tivemos que parar esta idea por culpa da pandemia, pero volveremos con ela no 2021!
Por esas mesmas datas tamén tivemos a sorte de inaugurar un novo Paso de Vaca na Feira do Queixo de Arzúa, onde contamos coa axuda de Benedicta Sánchez para o acto.
Así que, se o miramos por este lado, o 2020 tamén tivo cousas boas.
O noso obxectivo: un Paso de Vaca en cada cidade galega
Mellor que en cada cidade, en cada concello e en cada recuncho. Pero, na actualidade, o 40% da poboación galega vive nas 7 cidades principais. Que un Paso de Vaca chegue a unha cidade daríalle unha nova perspectiva e visibilidade ao problema do despoboamento que sofre Galicia, alá onde máis xente concéntrase.
Por desgraza, este é un problema que non só está presente en Galicia, a “España baleirada” tamén é un termo popularmente estendido e coñecido. Polo que en 2021 seguiremos propoñendo Pasos de Vaca por todas partes, dentro e fóra de Galicia.
Feliz ano novo a todos
Aproveitando que este é o último artigo do ano queriamos desexarvos unha feliz entrada no ano novo. Volveremos no 2021 con máis gañas que nunca e coas pilas cargadas.
Felices festas a todos!
