É hora de cruzar Pasos de Vaca e de apoiar aos comercios locais. A nova normalidade.
Desde o pasado 15 de xuño toda Galicia está fóra do Estado de Alarma. Despois de varios meses de incerteza e momentos moi complicados, por fin entramos nesa “nova normalidade” da que todo o mundo fala.
A iniciativa de Paso de Vaca naceu cun claro obxectivo que, agora máis que nunca, non podemos esquecer: reivindicar o rural galego e os produtos de proximidade.
É hora de cruzar Pasos de Vaca
Pero, que significa que é hora de cruzar os Pasos de Vaca? Por fin podemos saír de paseo e saír a cruzar os famosos e emblemáticos Pasos de Vaca, pero esta volta significa moito máis. Durante estes meses moitas empresas e autónomos, todos eles de moi diferentes sectores, pasárono mal. Agora é momento de apoiar ao comercio local e achegar o noso granito de area ao rural galego.
Un dos obxectivos do paso de vaca era reivindicar os produtos de proximidade, para así axudar ao rural e manter vivas as nosas comunidades. Esta era unha das 6 boas razóns para a existencia dun Paso de Vaca. Aquí están:
Atoparás un cartel como este con as 6 razóns en cada un dos Pasos de Vaca que existen.
Onde cruzar un Paso de Vaca?
Actualmente en Galicia hai 5 Pasos de Vaca instalados, queres saber onde?
-
- A Baña
-
- Arzúa
-
- Mazaricos
-
- Mesía (Xanceda)
-
- Santa Comba
A Baña, Mazaricos, Mesía e Santa Comba foron os catro primeiros concellos en contar cun Paso de Vaca permanente. Máis tarde, Arzúa uniuse a esta reivindicación do rural e así sumaron 5 Pasos de Vaca.
O plan perfecto para a fin de semana?
- Saír a pasear por un destes concellos
- Cruzar un Paso de Vaca e sacarche unha foto nel (lembra que podes etiquetar a @xanceda e utilizar #PasodeVaca, encántanos ver as vosas fotos!)
- Parar a comer nalgún restaurante, tomar algo nun bar ou comprar nalgunha pequena tenda, apoiemos ao comercio local!
- Gozar dun día de paseo con familia e amigos
Que vos parece este plan? Lembra que podes atopar aquí onde están os Pasos de Vaca en Galicia e que tamén temos un formulario para solicitar un Paso de Vaca no teu concello.
